Քիրս Վայթ Ռեզերվ

Մուգ ծղոտագույն գինու բույրն արտահայտված է հասած խնձորի, մարգագետնային ծաղիկների և վանիլի նոտաներով: Քիմքին ներդաշնակ է և մարմնեղ՝ նուշի երանգներով:

Խորհուրդ է տրվում մատուցել տապակած գառան մսի կամ իշխանի հետ։

Ձեռքով բերքահավաք և խաղողի մանրակրկիտ տեսակավորում: Այնուհետև հյութի դանդաղ տարանջատում, մեղմ սեղմում և հետագա խմորում արցախյան կաղնե տակառներում՝ վերահսկվող ջերմաստիճանի պայմաններում:

Խաղողի այգիները  գտնվում են Ասկերանի շրջանի Խրամորթ գյուղում՝ ծովի մակարդակից 450 մ բարձրության վրա:  

Մեծ Քիրսը Արցախի լեռնաշղթայի հարավային ճյուղի բարձր գագաթներից է և ունի 2724,6 մ բարձրություն: Ի դեպ, լեռը նման է բռունցքի. այն նաև անվանում են Արցախյան բռունցք։ Այստեղից էլ առաջացել է գինու անվանումը:

Karat Winery-ն, լինելով բավականին երիտասարդ գինեգործարան Հայաստանում, հասցրել է մեծ ճանաչում ձեռք բերել: Գործարանը գտնվում է Սյունիքի մարզում, իսկ հիմնական խաղողի այգիները՝ էկոլոգիապես մաքուր տարածաշրջանում՝ Խրամորթ գյուղի մոտ։ Ընկերությունն աշխատում է տեղածին՝ սպիտակ Ոսկեհատ, կարմիր Արենի ու Խնդողնի սորտերի հետ և առաջնորդվում արտադրության ավանդական մեթոդներով՝ մարդու նվազագույն միջամտությամբ: Երկրի լավագույն գինեգործներն են մասնակցում Karat Winery գինիների ստեղծմանը, որոնց անգնահատելի փորձը թույլ է տալիս ստանալ բարձրորակ գինիների լայն տեսականի՝ գին-որակ գերազանց հարաբերակցությամբ: