10,800 ֏

Գինին ռուբինագույն է՝ մանուշակագույն շեշտադրումներով: Ներդաշնակ բույրն արտահայտված է սալորի, կեռասի և մեխակի նուրբ երանգներով: Քիմքին հավասարակշռված է՝ գերազանց տեքստուրայով, միջին մարմնեղությամբ, հասուն տանիններով ու երկարատև հետհամով:

Գինին հիանալի համադրվում է խորոված մսի, որսի մսի, պաստայի և հասուն պանիրների հետ:

Գինին արտադրվում է Կաբերնե Սովինյոն սորտից, որն աճեցնում են La Consulta և Gualtallari խաղողի այգիներում: Բերքահավաքը կատարվում է ձեռքով փոքր պլաստիկ տուփերում: Խմորումը տեղի է ունենում պողպատե անոթներում 25-27°C ջերմաստիճանի ներքո, որին հաջորդում է 20 օրյա մացերացիան:

Հնացումը տեղի է ունենում 12 ամիս ֆրանսիական կաղնե տակառներում:

Zuccardi ''Q''-ն ընկերության համար հատուկ նախագիծ էր, որը սկսեց 1999 թ.-ին: Պարզ Q տառը ցույց է տալիս ընկերության խաղողի այգիները և հողատարածքները. Յուրաքանչյուր խաղողի այգու հողատարածքը նշված է եղել Q տառով (անգլ. Quality` որակ): Այն բոլոր աշխատակիցները, ովքեր ուներին բարձր հմտություններ և ներգրավված էին նախագծում, պնդում էին, որ գինիների այս շարքը հատուկ ուշադրություն է պահանջում բացառիկ որակի խաղող ստանալու համար:

Zuccardi Q շարքի խաղողի այգիները Մենդոզայի տարածաշրջանում են, գտնվում են ծովի մակարդակից 900-1100 մետր բարձրության վրա և ունեն լավագույն կլիմայական պայմանները:

1800 թվականից Արգենտինայում բնակվող Զուկարդիների ընտանիքը միշտ ակտիվորեն ներգրավված է եղել հողերի բարելավման աշխատանքների մեջ: Այսպիսով Դոն Ալբերտո Զուկարդին 1963 թվականին գնում է հողատարածք՝ սկսելու գինու սեփական արտադրությունը և բոլորին ցույց տալու, որ Արգենտինայի չոր հողերը կարող են զարմանալիորեն փափուկ դառնալ անուշաբույր գինիներ արտադրելու համար: Ներկայումս Zuccardi ընտանիքին են պատկանում 170 հեկտար խաղողի այգիներ։ Ընկերության ղեկավարը՝ Խոսե Ալբերտո Զուկարդին, մեծ պատասխանատվությամբ շարունակում է հոր գործը՝ փորձարկելով խաղողի բազմաթիվ, այդ թվում՝ արտասովոր և հազվագյուտ տեսակներ: Ըստ Խոսե Ալբերտոյի՝ լավ խաղողի այգին գինու հետագա հաջողության գրավականն է: Իմանալ ավելին