Պապա Ֆիգոս Կարմիր

Ինտենսիվ ռուբինագույն գինի։ Գինու բույրը բացահայտում է երանգների փունջ. կարմիր մրգեր, ծաղիկներ և փշատերևների բալզամիկ նոտաներ: Գինու համը հարթ է, հավասարակշռված և էլեգանտ, գերակշռում են կարմիր մրգերի երանգները։ Հետհամը երկար է և նրբագեղ:

Գինին իդեալականորեն համադրվում է թռչնամսից, որսի՝ կարմիր և սպիտակ մսից, ապխտած խոզի մսից պատրաստված ուտեստների և պանիրների հետ:

Խմորումն անցնում է չժանգոտվող պողպատե պահամաններում՝ 28°С ջերմաստիճանում:

Մալոլակտիկ խմորումից հետո գինու 75%-ը 8 ամիս հնացվում է չժանգոտվող պողպատե պահամաններում, իսկ 25%-ը՝ կրկնակի օգտագործման ֆրանսիական կաղնեփայտե տակառներում։ Ասամբլայժը մինչ շշալցումը հնացվում է ևս 4 ամիս։

Դուորոյի տարածաշրջանի ամենահազվագյուտ և առանձնահատուկ թռչուններից մեկը Օրիոլեն է(պորտուգալերեն՝ «papa-figos»): Այս թռչնի յուրահատուկ բնավորությունը Casa Ferreirinha-ի վերջին գինիների ոգեշնչումն է: Նրբագեղ և միևնույն ժամանակ վառ, դասական, բայց ժամանակակից գինին արտացոլում է Casa Ferreirinha գինեգործության առանցքային արժեքները:

Պորտուգալական Sogrape Vinhos ընկերությունը հիմնադրվել է 1942 թվականին և կարճ ժամանակաշրջանում դարձել Պորտուգալիայի №1 գինի արտադրող ընկերությունը։ Այժմ ընկերության արտադրած գինիները արտահանվում են աշխարհի ավելի քան 120 երկիր: Ընկերությունն ունի 25 կալվածք և 19 գինեգործարան, իսկ խաղողի այգիների ընդհանուր մակերեսը 1600 հեկտար է: Իմանալ ավելին