Զուկարդի, «Q» Մալբեկ 2020

Գինին ռուբինագույն է՝ մանուշակագույն շեշտադրումներով: Այն ունի հասած սև մրգերի ինտենսիվ բուրմունքներ, ինչպիսիք են մոշը և սև բալը, ինչպես նաև վանիլի, մեխակի, որոնք ձեռք է բերել հնացման եղանակի շնորհիվ: Տաննիները լավ են արտահայտված, ինչը գինուն հաղորդում է երկար և կայուն ավարտ: Այս գինին ունի թթվայնության և ալկոհոլի լավ հավասարակշռություն:

Գինին հիանալի համադրվում է խորոված մսի, որսի մսի, պաստայի և հասուն պանիրների հետ:

Գինին ստեղծելու համար օգտագործվող Մալբեկ խաղողի սորտը աճում է ''La Consulta'', ''Vista Flores'' և ''Agrelo'' խաղողի այգիներում: Բերքահավաքը կատարվում է ձեռքով փոքր պլաստիկ տուփերում: Խմորումը տեղի է ունենում չժանգոտվող պողպատից պահամաններում 10-15 օր վերահսկվող ջերմաստիճանում:

Գինին հնացվում է կաղնե տակառներում 12 ամիս։ Հնացման համար օգտագործվող կաղնե տակառները նոր և օգտագործված ֆրանսիական կաղնու տակառների համադրություն են: Ֆրանսիական կաղնու օգտագործումը բարդություն է հաղորդում գինուն՝ հաղորդելով վանիլային և համեմունքների համեր, միևնույն ժամանակ ապահովում է կառուցվածք և տանիններ: Իսկ մինչև վաճառքի դուրս գալը գինին ևս 6 ամիս հնացվում է շշերի մեջ:

Zuccardi Q շարքի խաղողի այգիները Մենդոզայի տարածաշրջանում են, գտնվում են ծովի մակարդակից 900-1100 մետր բարձրության վրա և ունեն լավագույն կլիմայական պայմանները:

Zuccardi ''Q''-ն ընկերության համար հատուկ նախագիծ էր, որը սկսեց 1999 թ.-ին: Պարզ Q տառը ցույց է տալիս ընկերության խաղողի այգիները և հողատարածքները. Յուրաքանչյուր խաղողի այգու հողատարածքը նշված է եղել Q տառով (անգլ. Quality` որակ): Այն բոլոր աշխատակիցները, ովքեր ուներին բարձր հմտություններ և ներգրավված էին նախագծում, պնդում էին, որ գինիների այս շարքը հատուկ ուշադրություն է պահանջում բացառիկ որակի խաղող ստանալու համար:

1800 թվականից Արգենտինայում բնակվող Զուկարդիների ընտանիքը միշտ ակտիվորեն ներգրավված է եղել հողերի բարելավման աշխատանքների մեջ: Այսպիսով Դոն Ալբերտո Զուկարդին 1963 թվականին գնում է հողատարածք՝ սկսելու գինու սեփական արտադրությունը և բոլորին ցույց տալու, որ Արգենտինայի չոր հողերը կարող են զարմանալիորեն փափուկ դառնալ անուշաբույր գինիներ արտադրելու համար: Ներկայումս Zuccardi ընտանիքին են պատկանում 170 հեկտար խաղողի այգիներ։ Ընկերության ղեկավարը՝ Խոսե Ալբերտո Զուկարդին, մեծ պատասխանատվությամբ շարունակում է հոր գործը՝ փորձարկելով խաղողի բազմաթիվ, այդ թվում՝ արտասովոր և հազվագյուտ տեսակներ: Ըստ Խոսե Ալբերտոյի՝ լավ խաղողի այգին գինու հետագա հաջողության գրավականն է: