Domane Wachau ընկերությունը գտնվում է Ավստրիայի ամենահայտնի գինեգործական շրջաններից մեկի՝ Վախաուի հենց սրտում։ Վախաու հովիտը ձգվում է Դանուբի երկայնքով 30 կիլոմետր երկարությամբ՝ Կրեմս և Մելք քաղաքների միջև։ Domane Wachau-ի պատմությունը սկսվում է 1137 թվականից։ Մի քանի հարյուրամյակների ընթացքում  գինեգործարանին պատկանող տարածքները ձեռքից ձեռք են անցել, մինչև որ Starhemberg ընտանիքը գնել է տարածաշրջանի խաղողի այգիների ու մառանների մեծ մասը։ 20-րդ դարի սկզբին ընտանիքի անդամներից մեկը կրկին վաճառել է հողատարածքները տեղի գինեգործներին, ովքեր 1930-ականներին ստեղծել են "Freie Weingartner Wachau կոոպերատիվը՝ 2008-ին վերանվանելով այն Domane Wachau։ Այժմ Domane Wachau-ին է պատկանում ավելի քան 400 հա տարածք, ինչը ամբողջ Վախաու հովտի խաղողի այգիների 30% է կազմում։ Բոլոր խաղողի այգիները շրջապատված են  քարե պարիսպներով և համարվում են ՅՈՒՆԵՍԿՕ-ի  համաշխարհային մշակութային ժառանգության մաս։ Domane Wachau-ն արտադրում է տարբեր ոճերի՝ թեթև մրգայինից մինչև բարդ գինիներ, որոնք ունեն հնացման մեծ պոտենցիալ: 1999 թվականին Domane Wachau-ն ճանաչվել է «Տարվա գինեգործարան» «Wine & Spirit» ամսագրի կողմից։