Գինու հաճելի ու թեթև համում զգալի են հաղարջի, ելակի, մեխակի ու ցիտրուսային մրգերի նրբերանգներ։ Գինին միջին մարմնեղության է՝ արտահայտիչ մրգայնությամբ ու թարմացնող թթվայնությամբ։

Գինին լավ համադրվում է թեթև կամ կծու միջերկրածովյան ուտեստների հետ, ինչպիսիք են շակշուկան, ոչխարի պանրով հունական աղցանը կամ ձկան ափսեն: Հիանալի է նաև ավստրիական ճաշատեսակների հետ․ տապակած հավ կարտոֆիլի ֆրիով, տապակած սունկ կամ տապակած իշխան բանջարեղենով:

Խաղողի այգիներում աշխատանքները կատարվում են հաշվի առնելով օրգանական խաղողագործության սկզբունքները` առանց թունաքիմիկատների օգտագործման։ Խմորումը տեղի է ունենում չժանգոտվող պողպատե պահամաններում։

Վախաույում գործում է գինու դասակարգման հատուկ համակարգ, որը ստեղծվել է 1980 թվականին: Չոր սպիտակ գինիները (Vinea Wachau) բաժանված են 3 կատեգորիայի, որոնք տարբերվում են ոճով, ալկոհոլի պարունակությամբ և որակով: Federspiel թարգմանաբար նշանակում է «Բազեի որս»։ Այս մակագրությամբ են բնութագրվում միջին կատեգորիայի 11.5% թնդության գինիները, որոնք էլեգանտ են, ինչպես որսորդական բազեն։

Domane Wachau ընկերությունը գտնվում է Ավստրիայի ամենահայտնի գինեգործական շրջաններից մեկի՝ Վախաու հովտի հենց սրտում։ Այժմ ընկերությանն են պատկանում Վախաու հովտի խաղողի այգիների 30%-ը` ավելի քան 400 հա տարածք։ Գինեգործարանն արտադրում է տարբեր ոճերի՝ թեթև մրգայինից մինչև բարդ գինիներ, որոնք ունեն հնացման մեծ պոտենցիալ: Իմանալ ավելին