1986 թվականին հիմնադրված Feudi di San Gregorio գինեգործարանը դարձել է հարավային Իտալիայի գինիների և գինու մշակույթի վերածննդի խորհրդանիշ: Պահպանելով ավանդույթները՝ այն մշտապես փնտրում է նոր հրաշալի տերուարներ, խաղողի նոր տեսակներ և գինեգործության կատարելագործված մեթոդներ։ Feudi di San Gregorio-ն նոր մոտեցում Է ցուցաբերում հրաբխային տերուարին և օգտագործում է էնդեմիկ, յուրօրինակ խաղողներ՝ Ալիանիկո, Ֆիանո, Գրեկո դի Տուֆո, որոնք աճում են միայն Կամպանիա շրջանում։ Սկզբում Feudi di San Gregorio-ի խաղողի այգիները գտնվում էին Sorbo Serpico տարածքում, որտեղ էլ մինչ օրս գտնվում է գինեգործարանը: Սակայն աստիճանաբար ավելացան նաև Տուֆոյում, Սանտա Պաոլինայում և Տաուրասում ծովի մակարդակից 350-700 մետր բարձրության վրա գտնվող այգիներ: Ներկայումս խաղողի այգիների տարածքը 30 հեկտարից հասել է 300 հեկտարի։ Բացի Կամպանիայի տարածքներից, ընկերությունն ունի հիանալի խաղողի այգիներ Ապուլիայում և Բազիլիկատայում: Feudi di San Gregorio-ի հիմնաքարային համոզմունքներից մեկն այն է, որ գինեգործությունն ու արվեստը ոգեշնչվում են նույն ստեղծագործական աղբյուրից: Ելնելով այս մոտեցումից՝ Feudi di San Gregorio-ն համագործակցում է երիտասարդ տաղանդների հետ՝ գինու և արվեստի աշխարհի միջև կրեատիվ կապ ստեղծելու համար:  Այսօր գինեգործարանը մեծ հեղինակություն է ձեռք բերել ողջ աշխարհում՝ որպես Իտալիայի առավել դինամիկ զարգացող ընկերություններից մեկը՝ կենտրոնանալով գինիների որակի, վայրի,բնական խմորման և նորարարական տեխնոլոգիաների կիրառման վրա: