Աչավալ Ֆերեր, Կիմերա 2018

Ռուբինագույն գինու հարուստ բույրում հապալասի, հաղարջի, մոշի նոտաները համադրված են համեմունքների, հազրեվարդի և մուգ շոկոլադի հետ: Քիմքին հավասարակշռված է՝ միջին մարմնեղության, էլեգանտ տանիններով ու երկարատև հետհամով:

Գինին հիանալի համադրվում է մսային ուտեստների, որսի մսի, պաստայի և հնացված պանիրների հետ։

Խմորումը՝ չժանգոտվող պողպատե պահամաններում, վերահսկվող ջերմաստիճանի ներքո, որին հաջորդում է հնացումը կաղնե տակառներում:

15 ամիս հնացում ֆրանսիական նոր (100%) կաղնե տակառներում:

"Quimera" գինու անվանումը գալիս է դիցաբանական համանուն կերպարից: Կիմերան թևավոր, յուրահատուկ արարած է՝ բրդով և փետուրներով, որի մեջ անսպասելին ու առեղծվածայինը միախառնված են: Այդ իսկ պատճառով գինեգործարանի հիմնադիրներից մեկը՝ Սանտիագո Աչավալն այս արարածին կապում է ասամբլյաժի (խառնուրդ) հետ: Իսկ Ասամբլյաժը գինեգործի անիրագործելի ցանկությունն էր. հասնել գինու իդեալին, որը բնության մեջ գոյություն չուներ:

Գինին պատրաստվում է Դիամանտե, Պեդրիել (1908թ.) և Մեդրանո (1928թ.) բարձր լեռնային խաղողի այգիներում աճող վազերից, որոնք գտնվում են ծովի մակարդակից 700 -1100 մետր բարձրության վրա: Դիամանտեի վրա հողի վերին շերտը, որն ունի մեկ մետր հաստություն, բաղկացած է կալցիումի կարբոնատից, ինչն էլ առանձնահատուկ բնույթ է հաղորդում գինուն։ Բերքահավաքը տեղի է ունենում ձեռքով:

Achaval Ferrer գինու երիտասարդ ընկերությունը հիմնադրվել է 1998 թվականին մի խումբ իտալացի և արգենտինացի գործընկերների կողմից, ովքեր պաշտում էին իրենց հողն ու բիզնեսը: Ընկերության հիմնական նպատակն է ստեղծել բարձրորակ, բարդ և խորը գինիներ, որոնք հնարավորինս արտացոլում են տեղական տերուարի լավագույն հատկությունները: Ընկերության խաղողի այգիները գտնվում են Մենդոզա շրջանում՝ ծովի մակարդակից 700-1000 մետր բարձրության վրա։ Achaval Ferrer-ի գինիները բարձր գնահատականների են արժանացել գինու փորձագետների և քննադատների կողմից: