Գիգալ Կոնդրիու 2018

Պայծառ ու թափանցիկ, ոսկեգույն երանգով գինի է: Բույրի մեջ զգալի են ծաղիկների, ծիրանի, սպիտակ դեղձի և ցիտրուսային մրգերի ակնարկներ: Չոր գինու համար բավականին հյութալի է ու յուղային: Արտահայտիչ, հաճելի թարմությունը, մրգայնությունն ու կլորությունը հարմոնիկ կերպով համադրվում են:

Կարելի է մատուցել որպես ապերիտիվ կամ ըմպել նախուտեստների, ֆուա-գրայի, տրյուֆելի, նուրբ ձկնային ուտեստների հետ:

Նախ կատարվում է ձեռքով բերքահավաք և մանրակրկիտ տեսակավորում: Այնուհետև՝ ալկոհոլային խմորում ցածր ջերմաստիճանում՝ նոր կաղնեփայտե տակառներում (գինու 1/3) և չժանգոտող պողպատե պահամաններում (գինու 2/3): Սրան հաջորդում է մալոլակտիկ խմորումը:

Գինու 1/3 մասը 8 ամիս հնացվում է նոր տակառներում (1/3), իսկ մնացած 2/3 մասը՝ չժանգոտվող պողպատե տարաներում:

Խաղողն աճում է գրանիտով հարուստ տեռասաների վրա: Վազերի միջին տարիքը 30 տարեկան է:

1946 թ.-ին ֆրանսիական Ամպյուի հին գյուղակում Էտյեն Գիգալը հիմնեց իր գինեգործարանը, որն այսօր հայտնի է ամբողջ աշխարհում: Էտյենի որդին՝ Մարսել Գիգալը, սկսեց աշխատել և օգնել հորը բավական երիտասարդ տարիքում՝ ի վերջո փոխարինելով տարեց, հանկարծակի կուրացած Էտյենին: Ընտանեկան բիզնեսում Մարսելը ներդրել է ոչ միայն իր ամբողջ ներուժը, այլև սիրտն ու հոգին: Այսօր ընտանեկան գինեգործության ավանդույթը շարունակում է Մարսելի որդին՝ Ֆիլիպ Գիգալը, ով ընկերությունում զբաղեցնում է գլխավոր էնոլոգի պաշտոնը: E.Guigal ընկերությանն են պատկանում իսկապես եզակի խաղողի այգիներ, դրանցից ամենահինը Ֆրանսիայում տնկվել է ավելի քան 2400 տարի առաջ: