Այս կարմրավուն երանգներով ռուբինագույն գինին քաղցրության և նրբության կատարյալ հավասարակշռություն է: Ծաղիկների, կարմիր մրգերի և համեմունքների ինտենսիվ բույրերը ծնվում են հողից, որն արտահայտված է վարդի, սալորի, դեղձի, ծիրանի, ազնվամորու, մեխակի և հիլի նոտաներով: Համում այս մրգային և համեմունքային նրբերագները ուղեկցվում են թարմ հանքայնությամբ, անհավանական համառությամբ, բարդությամբ ու էլեգանտությամբ:

Խորհուրդ է տրվում համադրել թարմ մրգերի, կծու կանաչ և հնացված պանիրների, մասնավորապես պարմիջիանոյի, ինչպես նաև տապակած անյուղ մսի և մսային կարպաչիոյի հետ:

Դասական կարմիր գինու պատրաստում

Կիրքը «ԱրմԱս» գինեգործարանի կենսակերպի և գինու հանդեպ յուրահատուկ մոտեցման հիմքն է: Խաղողի այգիներից մինչև բաժակ փոխանցվում է անզուսպ էներգիայի, հուզմունքի, ինտենսիվության և սիրո ոգի:  

Խաղողի այգիները գտնվում են ծովի մակարդակից 900-1400 մետր բարձրության վրա:

«Գոլդեն Գրեյպ ԱրմԱս»-ը հիմնել է հայրենադարձ Արմեն Ասլանյանը 2007թ.՝ կյանքի կոչելով բոլոր իղձերը, որոնք խարսխված են գերդաստանի, ժառանգության, մշակույթի ու առաջընթացի միահյուսության վրա: Նա համադրել է դրանք անձնական արժեքների ու պատասխանատվության զգացումի հետ, որ ունի որպես հայր, գործարար ու հայ մարդ: Իր դստրերի հետ միասին նա պահպանում է գինեգործության 80-ամյա ընտանեկան ավանդույթը՝ ԱրմԱսը կոչելով իր պապու՝ ընտանեկան գինեգործության հիմնադիր ավագ Արմենակ Ասլանյանի պատվին: Նրա տեսլականն է իր լուման ներդնել Հայաստանի գինեգործական ժառանգության պահպանման ու վերածնման գործում՝ օրեցօր զարգացնելով ԱրմԱս Իստեյթը խաղողագործության ու էնոլոգիայի այս հինավուրց տարածքում: