Պրինչիպի դի Բուտերա Ներո Դ'Ավոլա

Հագեցած, վառ ռուբինագույն գինու ինտենսիվ բույրի մեջ զգալի են նշի, մանուշակի նոտաներ և ծաղկային շեշտադրումներ, որոնք աշխուժացնում են մրգային նրբագեղ փունջը։ Գինին ունի չոր, նուրբ, բայց և ուժեղ համ, որի մեջ գերակշռում են սև հատապտուղներ, հասած մրգեր, կծու նրբերանգներ և ծաղկային նուրբ նոտաներ, որոնք ամփոփվում են երկար հետհամով։

Գինին լավ համադրվում է կարմիր մսի, որսի մսի, պանրի և պաստայի հետ:

Խմորումն անցնում է չժանգոտվող պողպատե պահամաններում։

Գինին հնացվում է կաղնեփայտե տակառներում։

Ընկերության խաղողի այգիները գտնվում են Կալտանիսետա նահանգում՝ բլուրների վրա։ Տաք հարավային կլիման թույլ է տալիս աճեցնել բարձրորակ, ընտիր խաղող և ստեղծել մեծ պոտենցիալով հիանալի գինիներ: Խաղողի այգիները զբաղեցնում են 320 հա հողատարածք, որից 180 հեկտարը երիտասարդ խաղողի որթատունկերն են։

Feudo Principi di Butera-ն հնագույն պատմություն ունեցող տնտեսություն է, որը ժամանակին պատկանել է Բրանչիֆորտեի և Լանզա դի Սկալեայի արիստոկրատական ​​դինաստիաներին: Ամբրոջո Բրանչիֆորտեն առաջին սիցիլիական կառավարիչն էր, որը նշանակվեց 1543 թվականին։ Իսպանիայի թագավոր Ֆիլիպ II-ը նրան շնորհել է Բուտերայի արքայազնի տիտղոս։ 1895 թվականին տիտղոսն ու հողերն անցան Ջիրոլամո Լանզային։

Zonin-ն աշխարհահռչակ իտալացի գինեգործների պատմական ընտանիք է, որն արդեն 7 սերունդ է զբաղվում է գինու արտադրությամբ՝ սկսած 1821 թվականից: Ընկերության գինիները ներկայացված են աշխարհի 89 երկրների շուկաներում։