Գինին ծղոտագույն է՝ կանաչավուն երանգներով: Թարմ և հյութեղ բույրում նկատելի են սեխի, սերուցքային-մրգային նոտաները: Գինին քիմքին նստում է հաճելի և առատ թթվայնությամբ՝ ընկույզի և կաղնու նուրբ համադրությամբ: Հետհամը երկարատև է և արբեցնող:

Այս մարմնեղ գինին հիանալի է ըմպել ինքն իրենով կամ համադրել ձկնային ուտեստների, թարմ խեցգետնով Չիկատելլի պաստայի, ինչպես նաև՝ հավի ու տավարի մսի հետ։ 

Խաղողը մշակվում է առանց նախնական չանչազատման։ Գինանյութի մի մասը խմորվում է չժանգոտվող պողպատե պահամաններում, իսկ մյուսը՝ կաղնեփայտե տակառներում և բարիկաներում: Գինու միայն մի մասն է անցնում մալոլակտիկ խմորում։ 

Գինին 10 ամիս հնացվում է նստվածքի վրա: Այնուհետև գործընթացը շարունակվում է շշերում՝ 6 ամիս:

Խաղողի այգիները գտնվում են 400-550 մետր բարձրության վրա և ունեն չոր տեղանք։ Հողը ավազային է՝ խճաքարային-մորենային նստվածքներով։

«Լաֆոա»-ն խաղողի այգու անվանում է, որը գտնվում է Կոլտերենցիո և Կորնայանո գյուղերի միջև գտնվող բլրի վրա՝ ծովի մակարդակից 430 մ բարձրության վրա։

Հարավային Տիրոլի գինեգործության առաջամարտիկներից Colterenzio-ն հիմնվել է 1960 թվականին և այսօր բաղկացած է 290 անդամներից։ 1980 թվականին ընկերության տնօրեն Լուիս Ռայֆեռը նոր մոտեցումներ մտցրեց իտալական գինեգործության մեջ․ նա սկսեց սպիտակ խաղողի խմորումն ու կարմիրի հնացումը անցկացնել տակառներում։ Իտալիայում քչերը կարող են համեմատվել այս ընկերության հետ գինիների ոճի և որակի բազմազանությամբ: Իմանալ ավելին