7,500 ֏

Փրփրուն գինին բյուրեղագույն է՝ վառ դեղնավուն երանգներով: Թեթև բույրն արտահայտված է տանձի, խնձորի, գրեյպֆրուտի ու ակացիայի ծաղիկների նրբերանգներով: Քիմքին հարթ է, մետաքսյա՝ հաճելի թթվայնությամբ և փափուկ հետհամով:

Գինին կատարյալ լրացում է նախուտեստներին, ձկնային և ծովամթերքային ուտեստներին՝ ծովաբաս, օմար, ծովախեցգետին, խեցգետին: Խորհուրդ է տրվում մատուցել նաև գուրման ուտեստների, սաշիմիի և թունա կրապակոյի հետ։

Խաղողը հավաքում են օրգանական խաղողի այգիներից բացառապես ձեռքով և ենթարկում փափուկ սառը սեղմման: Խմորումը տեղի է ունենում 40 օր պողպատե պահամաններում՝ Շարմայի մեթոդով:

Corvezzo ընտանեկան գինեգործարանը գտնվում է Վենետիկից ոչ այդքան հեռու գտնվող Սեզալտո քաղաքում։ Այնտեղ հողերը միշտ եղել են պարարտ, բերրի և լանդշաֆտների զարմանալի գեղեցկության հետ մեկտեղ գրավել են ինչպես հին հռոմեացիներին, այնպես էլ՝ վենետիկյան ազնվականությանը: Ժամանակին այստեղ վիլլաներ ունեին վենետիկյան կալվածքների ամենահարուստ ներկայացուցիչները, և այդ վիլլաներից մեկը հեղինակավոր Վիլլա Մորոսինան էր, որտեղ 20-րդ դարում ապրում էր Ջուզեպպե Կորվեցոն։ 1960 թվականին նրա որդին՝ Ջովաննին, այստեղ հիմնեց գինեգործարան՝ ի վերջո կառավարման ղեկը տալով իր թոռներին՝ Ջուզեպպեին և Ռենցոյին: Գինեգործարանի տարածքը մեծացավ՝ հասնելով 140 հեկտարի, իսկ Ռենցո Կորվեցոյի ղեկավարության ընթացքում ընկերության համար զարգացման նոր փուլ սկսվեց:  Իմանալ ավելին