Բաց վարդագույն շամպայնի հաճելի բույրում վարդի և ցախկեռասի երանգները միահյուսվում են կարմիր հատապտուղների, նռան և թեթև հանքային նյուանսներին: Քիմքին կլորավուն է, էլեգանտ՝ թթվայնության գերազանց հավասարակշռությամբ, ելակի նուրբ նոտաներով և ներդաշնակ հետհամով:

Գերազանց ապերիտիվ է, նաև հիանալի համադրվում է ծովամթերքի և սպիտակ մսի հետ:

Շամպայնն արտադրվում է ավանդական մեթոդով (երկրորդ խմորումը տեղի է ունենում շշի մեջ)։ Կուպաժը բաղկացած է խաղողի 3 տեսակներից՝ Chardonnay, Pinot Noir և Pinot Meunier, որոնք աճում են Champagne տարածաշրջանի 50 լավագույն խաղողի այգիներում: Բնական համը պահպանելու համար շամպայնը մալոլակտիկ խմորման չի ենթարկվում: Lanson Rosé -ի նուրբ գույնը ստացվում է Pinot Noir-ից պատրաստված փոքր քանակությամբ Coteaux Champenois Bouzy Rouge կարմիր գինուց:

Հնացվում է 5 տարի շշի նստվածքի վրա: (Հիմնականում վինտաժային շամպայնը հնացնելու համար պահանջվում է 15 ամիս):

Այս շամպայնի համար բերքահավաքը տեղի է ունենում Premier և Grand Cru-ի լավագույն շրջաններից՝ Avize, Oger, Verzenay և Bouzy:

1950 թվականին ստեղծված Lanson Brut Rosé-ն առաջին վարդագույն շամպայններից մեկն էր:

Maison Lanson-ը Ֆրանսիայի ամենահին շամպայնի տներից մեկն է։ Այն հիմնադրվել է 1760 թվականին Մալթայի շքանշանի ասպետներից մեկի՝ Ժան Բատիստ Լանսոնի կողմից։ Լանսոնի տան շամպայնները միջազգային ճանաչում են ստացել իրենց գերազանց որակի և անսովոր թարմ համի համար։ Լանսոնը ամուր արմատներ ունի Ֆրանսիայում, իսկ այսօր ընկերության արտադրանքը վայելում են ավելի քան 80 երկրներում։ 1970 թվականից ի վեր Maison Lanson -ը Անգլիայի թագավորական ընտանիքի պաշտոնական մատակարարն է: Maison Lanson-ը ավելի քան 260 տարի է շարունակում է հավատարիմ մնալ իր տան ավանդույթներին ու արժեքներին՝ ստեղծելով միջազգային ճանաչում ունեցող, գերազանց արտադրանք: Իմանալ ավելին