27,800 ֏

Նուրբ սաթագույն վիսկիի հաճելի բույրն արտահայտված է բոված ընկույզի, ցախկեռասի և հասած տանձի փափուկ երանգներով: Հարթ համում մեխակի և սև պղպեղի տաքացնող կծու նոտաներին հաջորդում են եփած խնձորի և հյութալի ցիտրուսների նրբերանգները: Հետհամը երկարատև է՝ սանդալի ծառի և վանիլի ինտոնացիաներով:

Վիսկին կարող եք համտեսել սառեցնող քարերի վրա՝ ինքն իրենով կամ լավ սիգարի համադրությամբ:

Բաղադրատոմսում օգտագործվում է գետերի ամենամաքուր ջուրը, որը սկիզբ է առնում միշտ ձյունով ծածկված, բարձր լեռներից:

Սպիրտները սկզբում հնանում են բուրբոնի և խերեսի տակառներում, այնուհետև վերջնական հնացումը տեղի է ունենում ճապոնական Միզունարա կաղնե տակառներում, որը համարվում է Ճապոնիայի ամենաթանկ և հազվագհուտ ծառատեսակներից մեկը:

Shinobu անվանումը ճապոներենից թարգմանաբար նշանակում է «համբերություն»: Shinobu Blended Malt քրաֆտային կուպաժային վիսկին ոգեշնչված է ճապոնական սամուրայների ոգով,համբերությամբ ու հաստատակամությամբ:

«Շինոբու» Կուպաժային վիսկին  2019 թվականին միջազգային մրցույթներում ստացել է չորս գավաթներ. Wine & Spirits Wholesalers of America - Ոսկի, San Francisco World Spirits Competition - ոսկի, Ultimate Spirits Challenge - 88 միավոր, Bartender Spirits Award - Արծաթ

Niigata Beer-ը փոքր ընկերություն է ճապոնական Նիիգատա քաղաքում՝ խոշոր նավահանգստային կենտրոնում և Հոնսյու կղզու Չուբու շրջանի համանուն պրեֆեկտուրայի մայրաքաղաքում: Նիիգատան հայտնի է իր «սպիտակ» գանձերով՝ ձյուն, բրինձ և սակե։ Հենց այստեղ էլ ձեռնարկատեր Քեն Ուսամին 1997 թվականին որոշում է բացել գարեջրի գործարան, որը հայտնի էր գարեջրի պատրաստման գործընթացում իր երկրորդ խմորման մեթոդով: 2017 թվականին Ուսամին ստանում է վիսկի արտադրելու թույլտվություն, որի մասին վաղուց էր երազում։ Իր սերնդի համար վարպետն ընտրել է Shinobu անունը, որը ճապոներեն նշանակում է «համբերություն»։ Վիսկի ստեղծելու համար խնամքով ընտրվում են լավագույն թորվածքները, որոնք այնուհետև հնացվում են բուրբոնի և խերեսի կաղնե տակառներում, ինչպես նաև ճապոնական արժեքավոր Միզունարա կաղնե բարիկներում՝ զարգացնելով խորը և ներդաշնակ համուհոտ: