Այս գինին համադրվում է նարնջով և կոճապղպեղով սաղմոնի, լիմոնով մակարոնի կամ դանդաղ խորոված պանչետտայի և խնձորների հետ:

Riesling Reserve Trimbach-ն աչքի է ընկնում բաց կիտրոնի գույնով և վառ ու ինտենսիվ բույրով՝ կիտրոն, լայմ, չհասած դեղձ, կիտրոնի ծաղիկներ, արքայախնձոր և գրեյպֆրուտ: Համում այն առանձնանում է բարձր թթվայնությամբ և միջին մարմնով: Հյութեղ ցիտրուսային և չհասած արևադարձային մրգերի նոտաները հիանալիորեն համադրվում են հանքային հիմքի հետ՝ ստեղծելով թարմեցնող և հավասարակշռված փորձառություն:

Ռիսլինգն Էլզաս շրջանում աճող խաղողների թագավորն է համարվում: Այն գրեթե այնքան հայտնի է, որքան Շարդոնեն: Էլզասում Ռիսլինգի այգիները զբաղեցնում են ավելի քան 3500 հեկտար:

Trimbach-ը Ֆրանսիայի ամենահին և փառահեղ գինու տներից է. Էլզաս (Alsace) շրջանի այս խորհրդանիշը հիմնադրվել է դեռևս 1626 թ.-ին, և այժմ այն ղեկավարում են Տրիմբախ ընտանիքի 12-րդ ու 13-րդ սերնդի ներկայացուցիչները: