4,800 ֏

Մուգ ռուբինագույն գինու հաճելի բույրն արտահայտված է կարմիր մրգերի և համեմունքների նոտաներով: Համն ունի հավասարակշռված թթվայնություն և հզոր տանինային կառուցվածք՝ հասուն կարմիր մրգերի, խոտաբույսերի, վարդի թերթիկների և համեմունքների նրբերանգներով: Հետհամը միջին տևողության է, քաղցր՝ վանիլի, վայրի մեղրի և դափնու տերևի նյուանսներով: 

Գինին հիանալի համադրվում է գառան մսի, կծու մսային ուտեստների, հոլանդական սիսեռով ապուրի և հասուն պանիրների հետ:

«ԱրմԱս», Կարմրահյութը կարմիր չոր գինի է՝ պատրաստված տեղական Կարմրահյութ, Արենի, Կախեթ և Մեղրաբույր խաղողի սորտերից։ Այս նուրբ խառնուրդի արդյունքը հարուստ և բազմաշերտ գինին է՝ գերազանց մրգային նոտաներով և գայթակղիչ նրբերանգներով:

Խաղողի այգիները գտնվում են ծովի մակարդակից 900-1400 մետր բարձրության վրա:

Ոսկե մեդալ Արթուր Սարգսյանի կողմից «Հայաստանի գինիներ» հեղինակային անվանակարգում 2017թ., Արծաթե մեդալ Japan Best Wine մրցույթում 2017թ., Գովասանական մեդալ Decanter World Wine Awards-ում 2015 և 2014 թթ-ին, Բրոնզե մեդալ Արենի գինու փառատոնում 2013թ.:

«Գոլդեն Գրեյպ ԱրմԱս»-ը հիմնել է հայրենադարձ Արմենակ Ասլանյանը 2007թ.՝ կյանքի կոչելով բոլոր իղձերը, որոնք խարխսված են գերդաստանի, ժառանգության, մշակույթի ու առաջընթացի միահյուսության վրա: Նա համադրել է դրանք անձնական արժեքների ու պատասխանատվության զգացումի հետ, որ ունի որպես հայր, գործարար ու հայ մարդ: Իր դստրերի հետ միասին նա պահպանում է գինեգործության 80-ամյա ընտանեկան ավանդույթը՝ ԱրմԱսը կոչելով իր պապու՝ ընտանեկան գինեգործության հիմնադիր ավագ Արմենակ Ասլանյանի պատվին: Նրա տեսլականն է իր լուման ներդնել Հայաստանի գինեգործական ժառանգության պահպանման ու վերածնման գործում՝ օրեցօր զարգացնելով ԱրմԱս Իստեյթը խաղողագործության ու էնոլոգիայի այս հինավուրց տարածքում: