Կոլտերենցո, Լաֆոա Ալտո Ադիջե Շարդոնե

Գինին ծղոտագույն է՝ կանաչավուն երանգներով: Թարմ, էլեգանտ բույրը լի է կիտրոնի, դեղձի, տանձի և խոտաբույսերի նոտաներով: Հագեցած համում կարելի է որսալ ցիտրուսային, միներալային և վանիլային ակնարկներ։ Գինին մարմնեղ է ու քիմքին կլորավուն։  Երկար հետհամը թարմացնում է թթվայնությամբ:

Այս մարմնեղ գինին հիանալի է ըմպել ինքն իրենով կամ համադրել ձկնային ուտեստների, թարմ խեցգետնով Չիկատելլի պաստայի, ինչպես նաև հավի ու տավարի մսի հետ։ 

Խաղողը մշակվում է առանց նախնական կեղևազրկման։ Գինանյութի մի մասը խմորվում է չժանգոտվող պողպատե պահամաններում, իսկ մյուսը՝ կաղնեփայտե տակառներում և բարիկաներում: Գինու միայն մի մասն է անցնում մալոլակտիկ խմորում։ 

Գինին 10 ամիս հնացվում է չժանգոտվող պողպատե պահամաններում և կաղնեփայտե տակառներում։ 

«Լաֆոա»-ն խաղողի այգու անվանում է, որը գտնվում է Կոլտերենցիո և Կորնայանո գյուղերի միջև գտնվող բլրի վրա՝ ծովի մակարդակից 430 մ բարձրության վրա։

Հարավային Տիրոլի գինեգործության առաջամարտիկներից Colterenzio-ն հիմնվել է 1960 թվականին և այսօր բաղկացած է 290 անդամներից։ 1980 թվականին ընկերության տնօրեն Լուիս Ռայֆեռը նոր մոտեցումներ մտցրեց իտալական գինեգործության մեջ՝ խաղողի գինը հաշվարկելով ոչ թե շաքարի պարունակությամբ, այլ բերքի որակից ելնելով։ Ինչպես նաև, փորձեց տակառներում սպիտակ խաղողի խմորումն ու կարմիրի հնացումը։ Իտալիայում քչերը կարող են համեմատվել այս ընկերության հետ գինիների ոճի և որակի բազմազանությամբ: