Ֆրեսկոբալդի Նիպոցանո Մոնտեսոդի

Գինին ունի ինտենսիվ կարմիր գույն՝ նարնջագույն արտացոլանքներով: Հանքային նոտաներով, վառ բույրի մեջ զգալի են խոտաբույսերի, անուշաբույր մանուշակների և կոճապղպեղի ակնարկներ, իսկ հարուստ համն ունի նշի և սալորի նրբերանգներ:

Գինին հիանալի համադրվում է մսային ուտեստների, հատկապես, ֆլորենտինյան սթեյքի հետ։ Կարելի է մատուցել նաև տապակած կամ խորոված գառան, որսի և տավարի մսի հետ։

Խմորումը տեղի է ունենում չժանգոտվող պողպատե պահամաններում՝ մինչև 35°C ջերմաստիճանում:

18 ամիս կաղնեփայտե տակառների մեջ և 6 ամիս շշի մեջ։

Montesodi գինին արտադրվում է 1974 թվականից: Խաղողը հավաքվում է 1700-ականներից ի վեր Ֆրեսկոբալդիների ընտանիքին պատկանող խաղողի այգուց:

Castello di Nipozzano-ի խաղողի այգիները գտնվում են ծովի մակարդակից 250-ից 500 մետր բարձրության վրա և զբաղեցնում են 250 հեկտար՝ հարավարևելյան ուղղությամբ: Հողերը չոր են, քարքարոտ, կավե կրաքարային, լավ ցամաքեցված։

Frescobaldi ընտանիքը Իտալիայի գինեգործական ամենահին և հեղինակավոր երկու ազնվատոհմերից մեկն է: Ֆրեսկոբալդիները ծագումով Ֆլորենցիայից են և այժմ էլ նրանց գործունեությունը ծավալվում է Տոսկանայում՝ Իտալիայի №1 գինեգործական տարածաշրջանում:
Այստեղ նրանց պատկանում է 7 կալվածք, ինչը թույլ է տալիս լիարժեք բացահայտել Տոսկանայի բոլոր տերուարները: