Այս ծղոտագույն գինու տպավորիչ բույրը լի է արևադարձային մրգերի նոտաներով, որոնց մեջ առանձնանում են սպիտակ սալորի և վանիլի ակնարկներն ու պնդուկի և ուրցի նրբերանգները։ Համը չոր է, հավասարակշռված` հաճելի ցիտրուսային նոտաներով և արտահայտիչ հանքային շեշտով:

Հիանալի ընտրություն է տապակած թռչնամսի, նապաստակի մսի և նույնիսկ գառան մսի, գրիլի, լցոնած մսային ուտեստների հետ վայելելու համար։

Խաղողը հավաքվում է ձեռքով՝ սեպտեմբերի սկզբին։ Բերքը նախապես սեղմվում է, իսկ ստացված հյութը դեկանտացվում է 1-2 օր: Դրան հաջորդում է երկշաբաթյա խմորումը, որը տեղի է ունենում վերահսկվող ցածր ջերմաստիճանում՝ 15–17 °C:

Գինու հնացման համար օգտագործվում են երկու տեսակի պահամաններ: 10%-ը գտնվում է կաղնե տակառներում, իսկ մյուս մասը՝ պողպատե տարրաներում: Հնացման ընթացքում չի իրականացվում մալոլակտիկ խմորում, պահպանվում է ցածր ջերմաստիճան:

Խաղողի այգիները տարածվում են Գորիցիա նահանգի հարթավայրերի և բլուրների երկայնքով՝ ծովի մակարդակից 60 մետր բարձրության վրա։

Attems գինեգործական ընտանիքի պատմությունը սկսվել է մի քանի դար առաջ, երբ 1106 թվականին Զալցբուրգցի եպիսկոպոսը հողակտորներ տրամադրեց Կոռադո Ատտեմսին: Ընտանեկան արխիվները, որոնք պահվում են Լուցինիկոյի ընտանեկան նստավայրում, ցույց են տալիս, որ դեռ 1764թ-ից այդ ընտանիքը սկսել է հետաքրքրվել գինեգործությամբ, նյութերը հիշատակում են նաև Ռիբոլա և Ռիֆոսկո խաղողի սորտերից պատրաստված գինիների ցանկեր:  Իմանալ ավելին