Ռուբինագույն գինու բույրն արտահայտված է հասած մրգերի, քաղցր վանիլի, համեմունքների և ծխախոտի երանգներով: Քիմքին հավասարակշռված է, կլորավուն՝ մրգային-փայտային նոտաներով, գերազանց տանինային կառուցվածքով ու երկարատև հետհամով:

Հիանալի համադրվում է որսի և խորոված մսի հետ։

Բերքահավաքն ամբողջությամբ ձեռքով է, որի ընթացքում ընտրվում են լավագույն խաղողները։ Մացերացիան տեղի է ունենում մոտ 10 օր, որին հաջորդում է խմորումը 28-30 °C ջերմաստիճանի ներքո։

Հնացվում է 10-12 ամիս ֆրանսիական և ամերիկյան կաղնե տակառներում:

Ավելի քան 200 տեղական գինեգործներ միավորվել են՝ 1961 թվականին ստեղծելով «Cantine Leonardo da Vinci» նորարարական կոոպերատիվը, որը նվիրված է իրական տոսկանյան գինու արտադրանքին: Այս պիոներական կոոպերատիվը ներառում է ավելի քան 500 հա խաղողի այգիներ: Խաղողի այգիները տնօրինում են տեղի խաղողագործները Լորենցո Լոչիի և Բրունո Ռոսսետտիի գլխավորությամբ, ովքեր էլ համարվում են Cantine Leonardo da Vinci-ի սիրտն ու հոգին: Լորենցոն, Բրունոն և մյուս բոլոր գինեգործները կազմում են Cantine Leonardo da Vinci կոոպերատիվը և վստահեցնում են, որ DaVinci գինին պատրաստվում է միայն բերքի լավագույն պտուղներով: «Որքան լավն է խաղողը, այնքան լավն է գինին: Մեր գինու յուրաքանչյուր բաժակով դուք կարող եք ճաշակել հաջողության պտուղները:»,- ասում են գինեգործները։