Գինին ունի սալորի մուգ գույն` շագանակագույն երանգներով: Բույրի մեջ զգալի են մրգերի, ընկույզների, մշկընկույզի և անանուխի ակնարկներ, որոնք բույրին հաճելի թարմություն են հաղորդում: Համը լի է քաղցր մրգերի, կակաոյի ու ծխախոտի նոտաներով։ Գինին լավ բալանսավորված է՝ հաճելի տանիններով, զգալի թթվայնությամբ, երկար ու թարմ հետհամով:

Շատ լավ է համադրվում խորոված և տապակած մսի, որսի մսի և պանիրների հետ։ 

Խմորումը տեղի է ունենում չժանգոտվող պողպատե պահամաններում՝ 26-28ºC ջերմաստիճանում։

Beronia-ի յուրահատուկ ու ճանաչելի ոճը ստանալու համար գինին 12 ամիս հնացվում է հիբրիդային տակառներում (տակառի հիմքը ամերիկյան կաղնեփայտից է, իսկ վերևի հատվածները՝ ֆրանսիականից)։

Beronia-ն բազմաթիվ մրցանակների արժանացած գինեգործական ընկերություն է, որը գտնվում է իսպանական La Rioja-ի (Լա Ռիոխա) սրտում։ Հիմնադրվել է 1973-ին մի խումբ գործարար ընկերների կողմից, ովքեր գալիս էին La Rioja՝ իրենց հանգիստն անցկացնելու: Ընկերները մեծ սեր ունեին սննդի և գինու հանդեպ ու ստեղծեցին իրենց սեփական գաստրո ակումբը և տեղական խոհանոցը ավելի լավ ներկայացնելու ու զգալու համար որոշեցին արտադրել սեփական գինին` կենտրոնանալով Reserva և Gran Reserva ոճով գինիների արտադրության վրա: Իմանալ ավելին