Գինին ծղոտագույն է՝ կանաչավուն երանգներով։ Հարուստ բույրի մեջ զգալի են ցիտրուսային մրգերի, հասած  դեղձի ու ծիրանի, ծխի ու տակառի ակնարկներ։ Վառ ու հագեցած համը հարուստ է դեղձի, կիտրոնի, գրեյպֆրուտի նյուանսներով, միներալներով, տակառային ու համեմունքային ելևէջներով։    

Հիանալի համադրվում է թռչնամսի և ձկան՝ հատկապես սերուցքային սոուսով սաղմոնի հետ:

Խմորումը տեղի է ունենում չժանգոտվող պողպատե պահամաններում։  

Գինու հնացումը տեղի է ունենում կաղնու բարիկներում 10 ամիս:

Hardys-ի սուպեր պրեմիում գինիներն անվանակոչվել են Թոմաս Հարդիի կնոջ՝ Eileen Hardy-ի պատվին, ում անվանում էին ավստրալական գինեգործության «Առաջին տիկին»: Էյլինն իր անսպառ եռանդով ու աշխատասիրությամբ հիացնում ու ոգեշնչում էր բոլորին: Կյանքի հանդեպ նրա սերը մինչև հիմա արձագանքում է Hardys գինիների յուրաքանչյուր շշի մեջ:

Խաղողի վազերի միջին տարիքը՝ 16-26 տարեկան:

Hardys-ի պատմությունը սկսվել է դեռևս 1850 թ.-ին, երբ երկար ծովային ճանապարհորդությունից հետո երիտասարդ անգլիացի Թոմաս Հարդին ոտք դրեց Ավստրալական մայրցամաք։ Մի քանի տարի հետո Հարդին ստեղծեց սեփական գինեգործական բիզնեսը, հավանաբար, պատկերացում անգամ չունենալով, որ կդառնա «Հարավային Ավստրալիայի գինեգործության հայրը»: Այժմ գինու արտադրության մեջ լավագույն տեխնոլոգիաների կիրառման և խիստ ստանդարտների պահպանման շնորհիվ ընկերությունն արտադրում է հիանալի գինիներ՝ ներառյալ լեգենդար «Nottage Hill», «Eileen Hardy», «William Hardy» շարքերը: Գինու գերազանց որակի մասին են խոսում նաև ստացած բազմաթիվ մրցանակները, որոնցից 54-ը` ոսկի: Hardys-ն ամեն տարի վաճառում է ավելի քան 100 միլիոն շիշ ազնվական ըմպելիք՝ աշխարհի շուրջ 120 երկրներում: Իմանալ ավելին