Շերազադե Դոնաֆուգատա 2021

Մանուշակագույն երանգներով, վառ կարմիր գինու բույրում սալորի և բալի մրգային նոտաները համադրված են թեթևակի կծու ակնարկներին և մանուշակի ծաղկային նրբերանգների հետ: Քիմքին փափուկ է, թարմ՝ մրգային նյուանսներով:

Լավ համադրվում է ձկան ապուրի, պիցցայի կամ լոլիկով դասական սպագետտիի հետ:

Մացերացիա չժանգոտվող պողպատե պահամաններում մոտ 6-8 օր՝ 25-28 °C ջերմաստիճանում:

4 ամիս հնացում պահամաններում, որից հետո՝ մինչ թողարկումը, կրկին 3 ամիս՝ շշի մեջ:

Այս գինու պիտակի վրա պատկերված է Շերազադեն՝ «Արաբական գիշերների» հետաքրքրաշարժ հերոսուհին՝ իր լուսավոր կերպարով, ով կարծես հնչեղ ձայնով պատմում է արևելյան գրականության գլուխգործոց հանդիսացող այս հեքիաթը:

Donnafugata իտալերենից թարգմանաբար նշանակում է «փախչող կին»: Կա մի լեգենդ թագուհի Մարիա Կարոլինայի փախուստի մասին, ով փախել է Նեապոլից և ապաստան գտել Սանտա Մարգարիտա Բելիցե հովտի կենտրոնական քաղաքում՝ աստղային երկնքի տակ գտնվող պալատում: Արտադրանքի պիտակների վրա նաև կարելի է նկատել կնոջ՝ քամուց օրորվող մազերը: Donnafugata-ն հիմնադրվել է Սիցիլիայում մի ընտանիքի կողմից, որը խաղողագործության հանդեպ մեծ սիրո շնորհիվ կարողացել է վերափոխել սիցիլիական գինու ոճն ու ընկալումը ողջ աշխարհում: Ջակոմո Ռալլոն՝ որակյալ գինիների արտադրության ավելի քան 170 տարվա փորձ ունեցող ընտանիքի չորրորդ սերունդը, հիմնադրել է Donnafugata-ն 1983 թվականին իր կնոջ՝ Գաբրիելլայի հետ, որը Սիցիլիայում խաղողագործության ռահվիրա էր (ղեկավար): Այսօր նրանց երեխաները՝ Խոսեն և Անտոնիոն, ղեկավարում են ընկերությունը և գերազանցության ձգտող աշխատակիցների ահռելի թիմը։