Ալտո Ադիջե Պինո Գրիջիո

Գինին բաց ծղոտագույն է՝ դեղնավուն երանգներով: Հաճելի բույրն արտահայտված է ցիտրուսային մրգերի, դեղձի և սեխի նրբերանգներով: Քիմքին հարուստ է, մրգային և բալանսավորված: Հետհամում նկատվում են թթու նոտաներ:

Կարելի է համադրել սամիթով և նարնջով աղցանի, խորոված ծովաբասի, մակարոնեղենի, մարինացված կաղամարով աղցանի և թռչնամսով մի շարք ուտեստների հետ:

Խմորումը տեղի է ունենում չժանգոտվող պողպատե պահամաններում՝ 18°C ջերմաստիճանում:

Գինին մի քանի ամիս հնանում է չժանգոտվող պողպատե պահամաններում:

Խաղողի այգիները գտնվում են 450-550 մ բարձրության վրա: Հողը խճային, ավազոտ և որոշ հատվածներում կավային է՝ կալցիումի կարբոնատային նստվածքներով:

Հարավային Տիրոլի գինեգործության առաջամարտիկներից Colterenzio-ն հիմնվել է 1960 թվականին և այսօր բաղկացած է 290 անդամներից։ 1980 թվականին ընկերության տնօրեն Լուիս Ռայֆեռը նոր մոտեցումներ մտցրեց իտալական գինեգործության մեջ․ նա սկսեց սպիտակ խաղողի խմորումն ու կարմիրի հնացումը տակառներում։ Իտալիայում քչերը կարող են համեմատվել այս ընկերության հետ գինիների ոճի և որակի բազմազանությամբ: